સુરત: સચિન GIDC વિસ્તારમાં કચરાના મોટા ઢગલામાં ભીષણ આગ લાગતાં વિસ્તારમાં અફરાતફરીનો માહોલ સર્જાયો હતો. આગ એટલી વિકરાળ હતી કે ઘટનાસ્થળેથી દૂર સુધી ગાઢ ધુમાડાના ગોટેગોટા જોવા મળ્યા હતા.
આગની જાણ મળતા જ ફાયર બ્રિગેડની અનેક ટીમો તાત્કાલિક ઘટનાસ્થળે પહોંચી હતી અને આગને કાબૂમાં લેવા માટે કામગીરી શરૂ કરી હતી. આગ વધુ વિસ્તારોમાં ન ફેલાય તે માટે સતત પાણીનો મારો ચલાવવામાં આવ્યો હતો.
ગાઢ ધુમાડાના કારણે આસપાસના રહેવાસીઓ તેમજ ઔદ્યોગિક એકમોમાં કામ કરતા કર્મચારીઓને મુશ્કેલીનો સામનો કરવો પડ્યો હતો. સાવચેતીના ભાગરૂપે સમગ્ર વિસ્તારની સ્થિતિ પર સતત નજર રાખવામાં આવી હતી.
ફાયર વિભાગના અધિકારીઓએ આગના કારણ અંગે તપાસ શરૂ કરી છે. આગ પર સંપૂર્ણ કાબૂ મેળવ્યા બાદ નુકસાનનું ચોક્કસ મૂલ્યાંકન કરવામાં આવશે.
પ્રાથમિક માહિતી મુજબ આ ઘટનામાં કોઈ જાનહાનિ થઈ નથી. જોકે, આગને કારણે કચરાના ઢગલાને ભારે નુકસાન થયું હોવાનું સામે આવ્યું છે.
