છોટાઉદેપુર જિલ્લા આમ આદમી પાર્ટી (AAP) ના પ્રમુખ રાધિકા અમરસિંહ રાઠવા સામે બોડેલી પોલીસ મથકે કાયદેસરની ફરિયાદ નોંધવામાં આવી છે. પોલીસની છબીને સોશિયલ મીડિયાના માધ્યમથી બદનામ કરવાના આરોપ હેઠળ આ કાર્યવાહી કરવામાં આવી છે.
શું છે સમગ્ર મામલો?
-
વીડિયો વાયરલ: રાધિકા રાઠવાએ પોતાના ઇન્સ્ટાગ્રામ (Instagram) આઈડી પરથી એક વીડિયો શેર કર્યો હતો.જેમાં તેમણે પોલીસ વિભાગ પર ગંભીર આક્ષેપો કર્યા હતા.
-
પોલીસનો પક્ષ: બોડેલી PSI જે. વી. પગી દ્વારા નોંધાવવામાં આવેલી ફરિયાદ મુજબ, રાધિકા રાઠવા એક જવાબદાર રાજકીય આગેવાન હોવા છતાં તેમણે જાણીબૂજીને ખોટું કથન કર્યું હતું.
-
બદનામીનો ઇરાદો: ફરિયાદમાં જણાવાયું છે કે, વીડિયોમાં રજૂ કરવામાં આવેલી માહિતી ખોટી હોવાનું જાણતા હોવા છતાં, પોલીસની છાપ લોકોના માનસમાં ખરડાય તેવા હેતુથી ખોટા પુરાવા ઊભા કરી સોશિયલ મીડિયા પર પ્રસારિત કરવામાં આવ્યા હતા.
નોંધાયેલી કલમો:
બોડેલી પોલીસે રાધિકા અમરસિંહ રાઠવા વિરુદ્ધ ભારતીય ન્યાય સંહિતા (BNS) 2023 ની નીચે મુજબની કલમો હેઠળ ગુનો નોંધી આગળની તપાસ હાથ ધરી છે:
-
કલમ 212(2)
-
કલમ 217(B)
-
કલમ 229(2)
