આજે ગુરુવારે સર્રાફા બજારમાં ભારે વેચવાલીનું દબાણ જોવા મળ્યુ.. ગઈકાલની તેજી બાદ આજે સોના અને ચાંદીના ભાવમાં ઘટાડો આવતા રોકાણકારોમાં હલચલ મચી.ખાસ કરીને ચાંદીના ભાવમાં તો તીવ્ર ઘટાડો જોવા મળ્યો.
વૈશ્વિક બજારોના નબળા સંકેતો અને સ્થાનિક સ્તરે નફો બુક કરવાની હોડ (Profit Booking) ને કારણે આજે સોના-ચાંદીના ભાવમાં મોટો ઘટાડો નોંધાયો છે. એમસીએક્સ (MCX) પર કારોબાર શરૂ થતાની સાથે જ બંને કિંમતી ધાતુઓ લાલ નિશાન પર સરકી ગઈ હતી.
-
સોનાનો ભાવ: MCX પર 05 જૂન 2026ની એક્સપાયરી વાળું સોનું આજે ₹1,52,064.00 ના સ્તર પર ટ્રેડ કરી રહ્યું છે. ગઈકાલની સરખામણીએ તેમાં ₹593.00 (0.39%) નો ઘટાડો થયો છે. સતત વધ-ઘટ વચ્ચે સોનાના ભાવમાં આવેલી આ નરમાશ ખરીદદારોને થોડી રાહત આપી શકે છે.
-
ચાંદીનો ભાવ: ચાંદી ખરીદનારાઓ માટે આજનો દિવસ ચોંકાવનારો છે. 05 મે 2026ની એક્સપાયરી વાળી ચાંદી ₹2,43,500.00 પ્રતિ કિલો પર આવી ગઈ છે. આજે તેમાં ₹4,864.00 (1.96%) નો મોટો કડાકો નોંધાયો છે. ગઈકાલનો સંપૂર્ણ વધારો આજે એક જ ઝાટકે ધોવાઈ ગયો છે.
