વિશ્વના રાજદ્વારી ઈતિહાસમાં એક અભૂતપૂર્વ ઘટના બનવા જઈ રહી છે. અમેરિકાના રાષ્ટ્રપતિ ડોનાલ્ડ ટ્રમ્પના પત્ની અને ફર્સ્ટ લેડી મેલાનિયા ટ્રમ્પ સોમવારે સંયુક્ત રાષ્ટ્ર સુરક્ષા પરિષદ (UNSC) ની એક મહત્વપૂર્ણ બેઠકનું અધ્યક્ષપદ સંભાળશે.
સંયુક્ત રાષ્ટ્રના જણાવ્યા અનુસાર, વિશ્વના કોઈ પણ શક્તિશાળી નેતાના પત્ની આટલા મોટા અને પ્રભાવશાળી પદ પર બેસીને બેઠકનું સંચાલન કરશે તેવી આ પહેલી ઘટના હશે..માર્ચ મહિના માટે સુરક્ષા પરિષદનું અધ્યક્ષપદ અમેરિકા પાસે હોવાથી મેલાનિયા ટ્રમ્પને આ વિશેષ જવાબદારી સોંપવામાં આવી છે.
બેઠકનો મુખ્ય એજન્ડા: બાળકો અને શિક્ષણ
મેલાનિયા ટ્રમ્પની આ બેઠક ખાસ કરીને ‘સંઘર્ષમાં ફસાયેલા બાળકો, ટેકનોલોજી અને શિક્ષણ‘ વિષય પર કેન્દ્રિત રહેશે.આ બેઠક દ્વારા તેઓ વિશ્વભરમાં શાંતિ સ્થાપવામાં શિક્ષણની ભૂમિકા અને યુદ્ધની પરિસ્થિતિમાં બાળકોના ભવિષ્યને સુરક્ષિત કરવા પર ભાર મૂકશે.
ઈરાન પર અમેરિકા-ઈઝરાયેલના ભીષણ હુમલા
જ્યારે ન્યૂયોર્કમાં શાંતિ અને શિક્ષણની વાતો થશે, ત્યારે બીજી તરફ પશ્ચિમ એશિયા (મિડલ ઈસ્ટ) માં સ્થિતિ અત્યંત ગંભીર છે.
-
યુદ્ધની જ્વાળા: રાષ્ટ્રપતિ ડોનાલ્ડ ટ્રમ્પના આદેશ પર અમેરિકા અને ઈઝરાયેલની સેનાએ ઈરાન પર મોટા પાયે હવાઈ હુમલા શરૂ કર્યા છે.
-
મોટો આંચકો: શનિવાર (28 ફેબ્રુઆરી) થી ચાલી રહેલી આ સૈન્ય કાર્યવાહીમાં ઈરાનના સર્વોચ્ચ નેતા આયતુલ્લા અલી ખામૈની સહિત અનેક ટોચના નેતાઓ માર્યા ગયા હોવાના અહેવાલ છે.
-
જવાબી કાર્યવાહી: ઈરાને પણ આ હુમલાઓનો જવાબ આપવાનું શરૂ કર્યું છે. જેના કારણે વૈશ્વિક બજારોમાં પણ ભારે અશાંતિ જોવા મળી રહી છે.
ભારતનું વલણ અને પીએમ મોદીની ખાતરી
દુનિયામાં ચાલી રહેલી આ ખેંચતાણ વચ્ચે ભારતે અત્યંત સંતુલિત અને મજબૂત વલણ અપનાવ્યું છે:
-
સંપૂર્ણ સુરક્ષાની ખાતરી: પ્રધાનમંત્રી નરેન્દ્ર મોદીએ પશ્ચિમ એશિયાની સ્થિતિ પર ઊંડી ચિંતા વ્યક્ત કરી છે. અને દેશવાસીઓને ખાતરી આપી છે કે ભારત દરેક રીતે સુરક્ષિત છે.
-
સંવાદ પર ભાર: પીએમ મોદીએ કેનેડાના પીએમ માર્ક કાર્ની સાથેની મુલાકાતમાં સ્પષ્ટ કહ્યું કે, “ભારત હંમેશા વિવાદોના ઉકેલ માટે વાતચીત અને રાજદ્વારી માર્ગની હિમાયત કરે છે.”
-
આર્થિક મજબૂતી: ભારત આ સંકટના સમયે પણ કેનેડા સાથે $50 અબજ ડોલરના વેપાર અને ઉર્જા સુરક્ષા જેવા મોટા કરારો કરીને પોતાની અર્થવ્યવસ્થાને મજબૂત બનાવી રહ્યું છે.
