દક્ષિણ ભારત અને બોલિવૂડની જાણીતી અભિનેત્રી રશ્મિકા મંદાનાના 30મા જન્મદિવસના અવસરે, તેની બહુપ્રતિક્ષિત ફિલ્મ ‘માયસા’ (Maaysa) નું નવું પોસ્ટર રિલીઝ કરવામાં આવ્યું છે…રશ્મિકાના જન્મદિવસને ખાસ બનાવવા માટે, પ્રોડક્શન ટીમે ફિલ્મમાં તેના શક્તિશાળી અને આક્રમક અંદાજની ઝલક રજૂ કરી છે.
પોસ્ટરમાં રશ્મિકાનો પ્રચંડ અંદાજ
રવિન્દ્ર પુલ્લે દ્વારા નિર્દેશિત આ એક્શન-થ્રિલર ફિલ્મમાં રશ્મિકા મુખ્ય ભૂમિકામાં છે. રિલીઝ થયેલા બ્લેક-એન્ડ-વ્હાઇટ પોસ્ટરમાં રશ્મિકાનો ચહેરો ધૂળ અને લોહીથી લથબથ જોવા મળી રહ્યો છે.તેની આંખોમાં ક્રોધ અને ચહેરા પર તીવ્રતા સ્પષ્ટ દેખાય છે..સોશિયલ મીડિયા પર આ પોસ્ટર શેર કરતા પ્રોડક્શન ટીમે તેને જન્મદિવસની શુભેચ્છા પાઠવી હતી અને લખ્યું હતું કે, રશ્મિકા ‘પ્યોર રેજ’ (ભયંકર ક્રોધ) સાથે આવી રહી છે.
ફિલ્મ ‘માયસા’ વિશે ખાસ વિગતો:
-
કથા: આ ફિલ્મ એક આદિવાસી ક્ષેત્રની વાર્તા પર આધારિત છે અને તેને 2026ની સૌથી વધુ રાહ જોવાતી ફિલ્મોમાંની એક માનવામાં આવે છે.
-
સ્કેલ: પાન-ઈન્ડિયા સ્તરે બની રહેલી આ ફિલ્મમાં ઊંડા ભાવનાત્મક કથાનક અને શાનદાર એક્શન સિક્વન્સ જોવા મળશે.
-
સંગીત: ફિલ્મનું સંગીત જેક્સ બેજોય દ્વારા તૈયાર કરવામાં આવ્યું છે. અત્રે ઉલ્લેખનીય છે કે આ ફિલ્મનું ટીઝર અગાઉ રિલીઝ થઈ ચૂક્યું છે.
રશ્મિકા મંદાનાનું આગામી વ્યસ્ત વર્ષ
આગામી વર્ષ રશ્મિકા માટે ફિલ્મોથી ભરપૂર રહેવાનું છે:
-
કોકટેલ 2: રશ્મિકા બોલિવૂડ ફિલ્મ ‘કોકટેલ 2’ માં શાહિદ કપૂર અને કૃતિ સેનન સાથે જોવા મળશે.
-
રણબલી: આ પીરિયડ એક્શન ડ્રામામાં તે તેના પતિ અને અભિનેતા વિજય દેવરકોંડા સાથે સ્ક્રીન શેર કરશે. આ ફિલ્મમાં તે ‘જયમ્મા’ નામનું મહત્વનું પાત્ર ભજવી રહી છે.
