રન ઓછા પડ્યાને પાકિસ્તાનીઓ રડ્યા! ભારતીય બોલરોની ધાર સામે પાડોશી ટીમનું પડી ગયું પાનું

આઈસીસી અંડર-19 વર્લ્ડ કપની સુપર સિક્સ મેચમાં ભારતે કટ્ટર હરીફ પાકિસ્તાનને દરેક વિભાગમાં 58 રનથી હરાવીને શાનદાર રીતે સેમિફાઇનલમાં સ્થાન મેળવ્યું. આ મેચ માત્ર વિજય જ નહીં.. પરંતુ પાકિસ્તાનની રણનીતિ અને ઇરાદાઓનો સંપૂર્ણ પર્દાફાશ હતો.

ટોસ હારીને પ્રથમ બેટિંગ કરવાનો નિર્ણય લીધા પછી ભારતીય અંડર-19 ટીમે 252 રન બનાવ્યા..પાકિસ્તાનને સેમિફાઇનલમાં પહોંચવા અને પોતાનો નેટ રન રેટ સુધારવા માટે 33.3 ઓવરમાં 253 રનનો આ લક્ષ્યાંક હાંસલ કરવાની જરૂર હતી. જોકે, પાકિસ્તાનની અંડર-19 ટીમ આમ કરવામાં નિષ્ફળ ગઈ..અને  46.2 ઓવરમાં 194 રનમાં ઓલઆઉટ થઈ ગઈ.આ મેચમાં ભારત તરફથી આયુષ મ્હાત્રે અને ખિલન પટેલે ત્રણ-ત્રણ વિકેટ લીધી.

ભારતની શાનદાર જીતનો હીરો યુવાન ઓલરાઉન્ડર કનિષ્ક ચૌહાણ હતો.. જેણે બેટ અને બોલ બંનેથી પાકિસ્તાનની કમર તોડી નાખી.તેણે નીચલા ક્રમમાં 29 બોલમાં ઝડપી 35 રન ફટકારીને ભારતને સન્માનજનક સ્કોર સુધી પહોંચવામાં મદદ કરી.ત્યારબાદ તેણે 10 ઓવરમાં માત્ર 30 રન આપીને પાકિસ્તાનનો રન રેટ ધીમો કર્યો. કનિષ્કને અંતિમ ઓવરમાં ખિલન પટેલ (21*) તરફથી ઉત્તમ ટેકો મળ્યો.. અને બંનેએ 5.1 ઓવરમાં આઠમી વિકેટ માટે 50 રન ઉમેર્યા.જેનાથી પાકિસ્તાનનું મનોબળ સંપૂર્ણપણે તૂટી ગયું.

પાકિસ્તાનને વધુ સારા રન રેટ માટે 33.3 ઓવરમાં લક્ષ્ય હાંસલ કરવાની જરૂર હતી.. પરંતુ તેમની બેટિંગમાં કોઈ ઉતાવળ ન હોય તેવું લાગતું હતું.પીચ તેના સ્પિનરોને અનુકૂળ થવા લાગી ત્યારે પાકિસ્તાનની બેટિંગ સંપૂર્ણપણે પડી ભાંગી. ખિલન પટેલ (૩/35) અને કેપ્ટન આયુષ મ્હાત્રે (૩/21) એ વચ્ચેની ઓવરોમાં સ્કોર કરવાનું લગભગ અશક્ય બનાવી દીધું..એશિયા કપના હીરો સમીર મિન્હાસ પણ નોંધપાત્ર અસર કરવામાં નિષ્ફળ ગયા, ઓફ-કટર બોલર પર પડી ગયા.

એક છેડે ડોટ બોલ અને બીજા છેડે વિકેટો પડતાં ભારતીય બોલરોએ પાકિસ્તાનને શ્વાસ લેતા અટકાવ્યું.વિકેટો પડતી રહી અને રન આવતા રહ્યા.અંતે આખી પાકિસ્તાની ટીમ 194 રનમાં ઓલઆઉટ થઈ ગઈ..જેનાથી ભારતને 58 રનનો જંગી વિજય મળ્યો.

આ જીત સાથે ભારત સેમિફાઇનલમાં પહોંચી ગયું છે.જ્યાં તેનો સામનો અફઘાનિસ્તાન સામે થશે.બીજી બાજુ, પાકિસ્તાનની વર્લ્ડ કપ સફર આ મેચ સાથે સમાપ્ત થઈ ગઈ