લોહપુરુષ સરદાર વલ્લભભાઈ પટેલની ૧૫૧મી જન્મજયંતી નિમિત્તે મહેસાણા નજીક નુગર ખાતે સરદાર પટેલ ગ્રુપ (SPG) દ્વારા ‘પાટીદાર મહાસંમેલન’નું આયોજન કરવામાં આવ્યું હતું. આ સંમેલનમાં પૂર્વ નાયબ મુખ્યમંત્રી નીતિન પટેલ અને કોંગ્રેસ અગ્રણી પરેશ ધાનાણી સહિત સમાજના આગેવાનો મંચ પર એકસાથે જોવા મળ્યા હતા. પરેશ ધાનાણીએ અસ્સલ કાઠિયાવાડી લહેકામાં રાજકીય પ્રહારો અને માર્મિક ટાંકણો કરીને સભામાં ભારે આકર્ષણ જમાવ્યું હતું.
મુખ્ય પાસાં અને વિગતવાર અહેવાલ:
-
નામ લીધા વિના ધાનાણીનો દિલ્હી પર પ્રહાર:
-
પરેશ ધાનાણીએ કડક શબ્દોમાં જણાવ્યું કે સરદાર આપણા સૌના સ્વાભિમાનનું પ્રતિક છે અને સરદારના નામ પર કોઈને પણ ડસ્ટર ફેરવી ભૂંસવાનું કામ કરવા દેવું જોઈએ નહીં.
-
તેમણે કહ્યું કે દિલ્હીની ડેલીએ બાપનું નામ નહીં હોય તો આપણે ઠેકાણે પડી જઈશું, જેથી સ્વાભિમાન જાળવવું જરૂરી છે.
-
-
પાટીદાર આંદોલનની યાદ અપાવી નીતિન પટેલને ટોણો:
-
આંદોલનના સંસ્મરણો વાગોળતા ધાનાણીએ મંચ પર બેઠેલા નીતિન પટેલ સામે જોઈને માર્મિક ટકોર કરી હતી કે, “બધાએ અમને ટોપિયું પહેરાવીને તમને ટોપિયું ફેરવાવીને જાજી ભાતનું કર્યું. જુઓને નીતિન કાકા પણ કરમાઈ ગયા છે અને અમે બધા હવે નવરા થઈ ગયા છીએ.”
-
જોકે, તેમણે નીતિન પટેલને પોતાના ગુરુ સમાન ગણાવતા કહ્યું કે વિધાનસભા ગૃહમાં તેમની પાસેથી ઘણું બધું શીખવા મળ્યું છે.
-
-
“માટે તાળીઓ ઓછી પડી, મારે શું કરવાનું?” – નીતિન પટેલની ચબરાકીભરી ટકોર:
-
પૂર્વ નાયબ મુખ્યમંત્રી નીતિન પટેલે મંચ પરથી પરેશ ધાનાણી અને ગોપાલ ઈટાલિયાનું સ્વાગત કરતા રમુજી અંદાજમાં ટકોર કરી હતી.
-
તેમણે શ્રોતાઓને ઉદ્દેશીને કહ્યું કે, “ચારે બાજુ જુઓ તો મારા માટે તાળીઓ ઓછી પડી અને આ બે મહેમાનો માટે વધારે પડી! બોલો હવે મારે શું કરવાનું?” જે બાબતે સભામાં ભારે હાસ્યનું મોજું ફરી વળ્યું હતું.
-
