રાજકોટમાં વગર વ્યાજે સોના પર લોન અપાવવાના બહાને મિત્ર સાથે જ વિશ્વાસઘાત કરી લાખો રૂપિયાની છેતરપિંડી કર્યાનો બનાવ સામે આવ્યો છે. આ અંગે બી-ડિવિઝન પોલીસ મથકમાં ફરિયાદ નોંધાઈ છે.
ઘટનાની મુખ્ય વિગતો:
-
ફરિયાદી અને ભોગ બનનાર: સદર બજાર ઓરબીટ કોમ્પ્લેક્ષ સામે રહેતા અને ‘ન્યુ સ્ટાર ટ્રેડર્સ’ નામે વેસ્ટ પેપરની પેઢી ધરાવતા હુસેનભાઈ જૈનુદીનભાઈ ભારમલ (ઉ.વ. 22) અને તેના બે મિત્રો (અબ્દલી મુર્તુઝાભાઈ બારભાયા અને નજમુદ્દીન શબ્બીરભાઈ હડીયાણા).
-
આરોપી: મિત્ર જુજર શકીલભાઈ દલાલ (રહે. સમન્વય હાઇટ્સ, ભગવતીપરા, રાજકોટ).
-
ઠગાઈની મોડસ ઓપરેન્ડી (Mo):
-
હુસેનભાઈને વેસ્ટ પેપરના ધંધા માટે રૂપિયાની જરૂર હતી. પોતાના નામ પર અન્ય લોન ચાલુ હોવાથી સમાજમાંથી મળતી વગર વ્યાજની લોન મેળવવા માટે તેમણે મિત્રો સાથે મળીને પ્લાન બનાવ્યો હતો.
-
આરોપી જુજરને પણ નાણાંની જરૂર હોવાથી ચારેય મિત્રોએ પોતપોતાનું સોનું ભેગું કરી, સમાજમાં જમા કરાવીને લોન લેવાનું નક્કી કર્યું હતું. આ લોન આરોપી જુજરના નામે કરાવીને હપ્તા ભાગે પડતા ભરવાનું નક્કી થયું હતું.
-
હુસેનભાઈએ રૂા. 10 લાખના, અબ્દલીભાઈએ રૂા. 14 લાખના અને નજમુદ્દીનભાઈએ રૂા. 2.40 લાખના દાગીના આરોપી જુજરને આપ્યા હતા.
-
-
કેવી રીતે છેતરપિંડી આચરી?
-
આરોપી જુજરે તમામનું સોનું ભેગું કરી વેલ્યુએશન કરાવ્યા બાદ સમાજમાં લોનની પ્રક્રિયા કરી હતી, પરંતુ લોન પાસ થઈ ન હતી. જેની જાણ તેણે મિત્રોને કરી નહોતી.
-
તે પછી આરોપીએ સમાજમાંથી સોનું પાછું મેળવીને જ્ઞાાતિના શેખ હુસેનભાઈ સજાઉદ્દીનભાઈ સાઈવાલા પાસે સોનું ગીરો મૂકીને રૂા. 31 લાખ મેળવી લીધા હતા.
-
આ રકમમાંથી ફરિયાદી કે તેના મિત્રોને ન તો સોનાના દાગીના પરત આપ્યા કે ન તો રોકડા રૂપિયા આપ્યા, આમ કુલ રૂા. 12.80 લાખની છેતરપિંડી આચરી હતી.
-
