નોઈડા ઈન્ટરનેશનલ એરપોર્ટનું નામ PM મોદીના નામે રખાશે, યોગી સરકારનો મોટો નિર્ણય
ઉત્તર પ્રદેશ સરકાર દ્વારા રાજ્યના ઈતિહાસમાં એક અત્યંત મોટો અને ઐતિહાસિક નિર્ણય લેવામાં આવ્યો છે. શુક્રવારે મળેલી ઉત્તર પ્રદેશ કેબિનેટની બેઠકમાં નોઈડા સ્થિત પ્રખ્યાત ‘જેવર ઈન્ટરનેશનલ એરપોર્ટ’ નું નામ દેશના વડાપ્રધાન નરેન્દ્ર મોદીના નામે રાખવાના પ્રસ્તાવને સર્વાનુમતે મંજૂરી આપવામાં આવી છે. કેબિનેટ બેઠક બાદ મુખ્યમંત્રી યોગી આદિત્યનાથે ખુદ પત્રકાર પરિષદ યોજીને આ મહત્ત્વપૂર્ણ નિર્ણયની સત્તાવાર જાહેરાત કરી હતી.
નિर्णય પાછળના મુખ્ય કારણો અને વિશેષતાઓ:
-
પીએમ મોદીના ૨૫ વર્ષ પૂર્ણ થવાના અવસરે સમ્માન: વડાપ્રધાન નરેન્દ્ર મોદીના જાહેર સેવાના ૨૫ વર્ષ સળંગ પૂર્ણ થવાના પ્રસંગને ગૌરવશાળી ઈતિહાસ તરીકે નોંધવામાં આવ્યો છે. ઉત્તર પ્રદેશ સાથે પીએમ મોદીનો આત્મીય નાતો રહ્યો છે અને તેમના નેતૃત્વમાં જ રાજ્યમાં ૪૨ નવા હાઈવે સહિત અનેક વિકાસના માઈલસ્ટોન સ્થાપિત થયા છે. તેમની રાષ્ટ્રનિષ્ઠા અને સેવા-સમર્પણના સન્માનમાં આ નિર્ણય લેવાયો છે.
-
એશિયાનું સૌથી મોટું એરપોર્ટ: ચાર તબક્કામાં તૈયાર થઈ રહેલા જેવર એરપોર્ટના પ્રથમ ફેઝનું ઉદ્ઘાટન ચાલુ વર્ષે ૨૮ માર્ચે ખુદ વડાપ્રધાન મોદીના હસ્તે જ કરવામાં આવ્યું હતું. આ પ્રોજેક્ટ પૂર્ણ થતાં તે એશિયાનું સૌથી મોટું એરપોર્ટ બનશે.
-
ક્ષમતા અને મુસાફરોની સુવિધા: પ્રથમ તબક્કામાં આશરે ૩૩૦૦ એકર જમીનમાં અત્યાધુનિક રનવે અને ટર્મિનલનું નિર્માણ કરવામાં આવ્યું છે, જ્યાંથી વાર્ષિક ૧.૨ કરોડ મુસાફરો મુસાફરી કરી શકશે.
આ નિર્ણયથી સમગ્ર ઉત્તર પ્રદેશમાં વિકાસ અને રાષ્ટ્રવાદના સમ્માનની દિશામાં એક નવો અધ્યાય શરૂ થયો છે.
