ઓક્ટોબર મહિનાના પ્રથમ કારોબારી દિવસે જ ભારતીય શેરબજારમાં અચાનક આવેલી જોરદાર વેચવાલીના કારણે મોટો કડાકો બોલાઈ ગયો છે. બોમ્બ સ્ટોક એક્સચેન્જ (BSE) નો સેન્સેક્સ ૯૫૦ પોઈન્ટથી વધુ અને નેશનલ સ્ટોક એક્સચેન્જ (NSE) નો નિફ્ટી ૩૧૯ પોઈન્ટ તૂટીને ધરાશાયી થતાં રોકાણકારોને ભારે નુકસાન વેઠવું પડ્યું છે.
બપોરે ૧ વાગ્યા પછી ચોમેર વેચવાલીનું બુલડોઝર ફરી વળતાં સેન્સેક્સ ૭૧,૫૨૭ અને નિફ્ટી ૨૨,૩૦૧ ની નીચલી સપાટીએ પહોંચી ગયા હતા. ખાસ કરીને ઓટો સેક્ટરના શેરોમાં ૩% થી વધુનું મોટું ગાબડું નોંધાયું હતું, જેમાં મારુતિ અને એમએન્ડએમ (M&M) જેવા મોટા શેરો સૌથી વધુ ધોવાયા હતા.
બજારમાં કડાકાના મુખ્ય કારણો અને અસર:
-
મુખ્ય કારણો: વિદેશી રોકાણકારો (FII) દ્વારા હાથ ધરાયેલી ₹૧૦,૦૦૦ કરોડથી વધુની ભારે વેચવાલી, ડૉલર સામે રૂપિયો ગગડીને ૯૫.૯૮ ના સ્તરે પહોંચવો અને ‘India VIX’ (ભયનો આંક) ૫% વધીને ૧૪.૧૩ પર પહોંચવો.
-
અસરગ્રસ્ત મોટા શેર્સ: લાર્જકેપમાં Maruti (૪.૪૫%), M&M (૪.૩૫%), Tata Steel (૩.૭૦%), ITC (૨.૯૦%) અને Adani Ports (૨.૭૪%) માં ભારે ઘટાડો નોંધાયો.
-
મિડકેપ અને સ્મોલકેપ: મિડકેપમાં Policy Bazar નો શેર ૬.૫૦% અને સ્મોલકેપમાં Sansera નો શેર ૬.૮૦% સુધી ગગડ્યા હતા.
યુએસ ટ્રેઝરી યીલ્ડમાં વધારો અને વૈશ્વિક અનિશ્ચિતતાઓને કારણે વિદેશી ફંડો દ્વારા ભારતીય બજારમાંથી નાણાં પાછા ખેંચાતા બજારના સેન્ટિમેન્ટ પર અત્યંત નકારાત્મક અસર પડી છે.
