સુપ્રીમ કોર્ટે ટ્રાફિક નિયમોના ભંગ બદલ ઈશ્યૂ કરાયેલા ઈ-મેમો ન ભરતા વાહનચાલકો સામે અત્યંત કડક વલણ અપનાવ્યું છે. માર્ગ સુરક્ષા અંગેની સુનાવણી દરમિયાન જસ્ટિસ જે.બી. પારડીવાલાની પીઠે સૂચવ્યું છે કે, પેન્ડિંગ ઈ-મેમોની વસૂલાત વાહનચાલકોના વીજળીના બિલ સાથે જોડી શકાય છે. દેશભરમાં રાજ્યો અને કેન્દ્રશાસિત પ્રદેશોએ ઈ-મેમો પેટે આશરે ₹૪૫,૦૦૦ કરોડની વસૂલાત કરવાની બાકી હોવાથી અદાલતે કડક પગલાં ભરી દંડની વાસ્તવિક વસૂલાત સુનિશ્ચિત કરવા આદેશ આપ્યો છે.
અહેવાલના મુખ્ય મુદ્દાઓ
-
ઈ-મેમો ન ભરવાથી ઊભી થનારી ૪ મુખ્ય કાનૂની અને નાણાકીય મુશ્કેલીઓ:
-
અદાલતી સમન, વોરંટ અને ધરપકડ: સમયસર દંડ ન ભરતાં કેસ ટ્રાફિક કોર્ટમાં મોકલાશે. કોર્ટના સમનની અવગણના કરવા બદલ ગેરહાજરીમાં દંડ અથવા બિનજામીનપાત્ર વોરંટ ઈશ્યૂ કરીને ધરપકડ થઈ શકે છે.
-
લાઇસન્સ રદ અને RC બ્લેકલિસ્ટ: વારંવાર ઈ-મેમો પેન્ડિંગ રાખનારનું ડ્રાઇવિંગ લાઇનસન્સ સસ્પેન્ડ/રદ થઈ શકે છે. ઉપરાંત રજીસ્ટ્રેશન સર્ટિફિકેટ (RC) પરિવહન પોર્ટલ પર બ્લેકલિસ્ટ થતાં વાહન ટ્રાન્સફર કરી શકાશે નહીં.
-
PUC, RTO અને ઇન્સ્યોરન્સ સર્વિસ ઠપ: પેન્ડિંગ ઈ-મેમોવાળા વાહનો માટે પ્રદૂષણ નિયંત્રણ સર્ટિફિકેટ (PUC) જારી કરવા પર રોક લાગશે. વાહનનું ફિટનેસ સર્ટિફિકેટ, ડુપ્લિકેટ RC, ઇન્સ્યોરન્સ રિન્યુઅલ અને FASTag રિચાર્જ પણ અટકી જશે.
-
સ્થળ પર જ વાહન જપ્તી: સડક પર રેન્ડમ ચેકિંગ દરમિયાન જૂનો પેન્ડિંગ ઈ-મેમો દેખાશે તો ટ્રાફિક પોલીસને સ્થળ પર જ વાહન જપ્ત કરવાનો કાનૂની અધિકાર રહેશે.
-
-
સુપ્રીમ કોર્ટની મુખ્ય ટિપ્પણી:
-
જસ્ટિસ જે.બી. પારડીવાલાની પીઠે નોંધ્યું કે માત્ર ઈ-મેમો ફાડવો પૂરતો નથી પરંતુ તેની વસૂલાત થવી જરૂરી છે.
-
વીજળી બિલ સાથે દંડ જોડવાથી લોકોમાં ટ્રાફિક નિયમો પ્રત્યે સુધારો અને ગંભીરતા આવશે.
-
