જમીન સંબંધિત કામગીરી ખોરવાતા બાર એસોસિએશન મેદાને, મુખ્યમંત્રીને તાત્કાલિક ઉકેલ માટે રજૂઆત
રાજકોટ : જમીન દફતર ખાતાના કર્મચારીઓની હડતાળના પગલે જમીન સંબંધિત સરકારી કામગીરી પર તેની સીધી અસર જોવા મળી રહી છે. જમીનના દસ્તાવેજો, નોંધણી સહિતની કામગીરી માટે કચેરીઓમાં આવતા અરજદારો ઉપરાંત આ કામગીરી સાથે સંકળાયેલા વકીલો પણ મુશ્કેલીમાં મુકાયા છે.
કર્મચારીઓની હડતાળને કારણે જમીન દફતર કચેરીઓમાં નિયમિત કામગીરી ખોરવાઈ હોવાનું સામે આવ્યું છે. પરિણામે અગાઉથી પ્રક્રિયામાં રહેલા કામો ઉપરાંત નવા કામો માટે આવતા અરજદારોને પણ મુશ્કેલીનો સામનો કરવો પડી રહ્યો છે. સરકારી કચેરીની કામગીરી અટકવાથી અનેક અરજદારોના મહત્વના કામો સમયસર પૂર્ણ ન થતાં ધક્કા ખાવાની સ્થિતિ ઊભી થઈ છે.
જમીન સંબંધિત કેસો અને દસ્તાવેજી પ્રક્રિયામાં વકીલોની ભૂમિકા મહત્વપૂર્ણ હોય છે. હડતાળના કારણે જરૂરી સરકારી પ્રક્રિયા આગળ ન વધતાં વકીલોને પણ પોતાના પક્ષકારોના કામ માટે મુશ્કેલી પડી રહી હોવાનું બાર એસોસિએશન દ્વારા ધ્યાન પર લેવામાં આવ્યું છે.
આ સમગ્ર પરિસ્થિતિને પગલે બાર એસોસિએશન દ્વારા રાજ્યના મુખ્યમંત્રી સમક્ષ રજૂઆત કરવામાં આવી છે. રજૂઆતમાં જમીન દફતર કર્મચારીઓની હડતાળના કારણે સામાન્ય નાગરિકો તથા વકીલોને પડી રહેલી મુશ્કેલીઓ અંગે સરકારનું ધ્યાન દોરવામાં આવ્યું છે.
બાર એસોસિએશન દ્વારા જમીન દફતર ખાતાની કામગીરી વહેલી તકે પૂર્વવત્ થાય અને હડતાળને કારણે અટવાયેલા કામોનો ઝડપી નિકાલ થાય તે માટે સરકાર દ્વારા તાત્કાલિક હસ્તક્ષેપ કરવામાં આવે તેવી માંગ કરવામાં આવી છે.
હવે સરકાર આ મામલે શું પગલાં ભરે છે અને હડતાળનો અંત ક્યારે આવે છે તેના પર અરજદારો તથા વકીલોની નજર મંડાઈ છે
