ગણેશોત્સવના તહેવાર દરમિયાન પ્રવાસીઓના ભારે ઘસારાને પહોંચી વળવા દક્ષિણ મધ્ય રેલવે દ્વારા ૧૯ સપ્ટેમ્બરથી ૨૨ સપ્ટેમ્બર દરમિયાન ગુજરાતથી તેલંગાણા અને પશ્ચિમ બંગાળ માટે ખાસ ‘ગણેશોત્સવ સ્પેશિયલ ટ્રેનો’ દોડાવવાની જાહેરાત કરવામાં આવી છે. આ નિર્ણયથી તહેવારોમાં વતન જતાં પ્રવાસીઓને ટિકિટ કન્ફર્મેશનમાં મોટી રાહત મળશે.
સ્પેશિયલ ટ્રેનોનું સંપૂર્ણ ટાઇમટેબલ
૧. હૈદરાબાદ – વટવા (અમદાવાદ) સ્પેશિયલ ટ્રેન (૦૭૦૮૭/૦૭૦૮૮)
-
હૈદરાબાદથી રવાના: ૧૯ સપ્ટેમ્બરના રોજ રાત્રે ૮:૧૫ કલાકે હૈદરાબાદથી ઉપડીને ૨૦ સપ્ટેમ્બરે રાત્રે ૯:૫૦ કલાકે વટવા (અમદાવાદ) પહોંચશે.
-
વટવાથી રવાના: ૨૧ સપ્ટેમ્બરે વહેલી સવારે ૩:૩૦ કલાકે વટવાથી ઉપડીને ૨૨ સપ્ટેમ્બરે સવારે ૪:૩૦ કલાકે હૈદરાબાદ પહોંચશે.
૨. સાંતરાગાછી – અમદાવાદ સ્પેશિયલ ટ્રેન (૦૨૮૩૩/૦૨૮૩૪)
-
સાંતરાગાછીથી રવાના: ૨૦ સપ્ટેમ્બરે પશ્ચિમ બંગાળના સાંતરાગાછી સ્ટેશનથી ઉપડીને ૨૧ સપ્ટેમ્બરે બપોરે ૧:૫૦ કલાકે અમદાવાદ રેલવે સ્ટેશને પહોંચશે.
પ્રવાસીઓ માટે મહત્વની સૂચના તહેવારોના દિવસોમાં નિયમિત ટ્રેનોમાં લાંબા વેઇટિંગ લિસ્ટની સમસ્યાને ધ્યાનમાં રાખીને અમદાવાદ અને આસપાસ રહેતા દક્ષિણ અને પૂર્વ ભારતના નાગરિકોને સમયસર ટિકિટ બુકિંગ કરાવી લેવા રેલવે તંત્ર દ્વારા અનુરોધ કરવામાં આવ્યો છે.
