ગુજરાતમાં કડક દારૂબંધી વચ્ચે વડોદરામાંથી ખાખી વર્દીને શરમાવે તેવી કિસ્સો સામે આવ્યો છે. સુરતથી કારમાં વિદેશી દારૂનો મોટો જથ્થો લાવી રહેલા ડેરોલ રેલવે પોલીસના હેડ કોન્સ્ટેબલ અને તેના સાગરીતને નંદેસરી પોલીસે ફાજલપુર ટોલનાકા પાસેથી ઝડપી પાડ્યા છે. પોલીસે દારૂ અને કાર સહિત કુલ ₹7 લાખનો મુદ્દામાલ જપ્ત કર્યો છે.
ફાજલપુર ટોલનાકા પાસે વોચ ગોઠવી કાર પકડી
-
ચોક્કસ બાતમી: નંદેસરી પોલીસની ટીમ પેટ્રોલીંગમાં હતી ત્યારે સુરત તરફથી કારમાં વિદેશી દારૂનો જથ્થો વડોદરા લાવવામાં આવી રહ્યો હોવાની ચોક્કસ બાતમી મળી હતી.
-
દારૂનો જથ્થો જપ્ત: બાતમીના આધારે ફાજલપુર ટોલનાકા પાસે વોચ ગોઠવી શંકાસ્પદ કારને રોકી તલાશી લેતાં તેમાંથી ₹4.60 લાખની કિંમતનો વિદેશી દારૂ મળી આવ્યો હતો.
ડેરોલ રેલવે સ્ટેશનનો હેડ કોન્સ્ટેબલ જ નીકળ્યો સૂત્રધાર
-
ઝડપાયેલા આરોપીઓ:
-
સંજય વિક્રમભાઈ ચુડાસમા (મુખ્ય આરોપી – ડેરોલ રેલવે સ્ટેશન ખાતે ફરજ બજાવતો હેડ કોન્સ્ટેબલ)
-
વિક્રમ વલ્લભ ઢાપા (સાગરીત)
-
-
પોલીસની ધરપકડ: કાર ચલાવી રહેલો મુખ્ય આરોપી પોલીસ કર્મચારી જ નીકળતાં પોલીસે બંનેની સ્થળ પરથી ધરપકડ કરી કાયદેસરની કાર્યવાહી હાથ ધરી હતી.
સુરતના લિંબાયતથી લાવતા હતા દારૂ, કોર્ટે આપ્યા રિમાન્ડ
-
સુરતથી સપ્લાય: પ્રાથમિક તપાસમાં સામે આવ્યું છે કે બંને આરોપીઓ સુરતના લિંબાયત વિસ્તારમાંથી દારૂનો આ જથ્થો ખરીદીને વડોદરા તરફ લાવી રહ્યા હતા.
-
મુદ્દામાલ અને રિમાન્ડ: પોલીસે ₹4.60 લાખનો દારૂ અને હેરાફેરીમાં વપરાયેલી કાર મળીને કુલ ₹7 લાખનો મુદ્દામાલ કબ્જે કર્યો છે. નંદેસરી પોલીસે બંને આરોપીઓને કોર્ટમાં રજૂ કરી તેમના રિમાન્ડ મેળવી આગળની ઊંડી તપાસ હાથ ધરી છે.
