સુરત સાયબર ક્રાઇમ બ્રાન્ચે ₹1.5 કરોડના સાયબર ફ્રોડ અને મની લોન્ડરિંગના આંતરરાષ્ટ્રીય નેટવર્કનો પર્દાફાશ કરીને મુખ્ય સૂત્રધાર રિયાઝને ઝડપી પાડવામાં મોટી સફળતા મેળવી છે. આ કેસમાં અગાઉ પકડાયેલા મિનેશકુમાર સોલંકી, અનિલ ગુપ્તા અને વિકાસ ભદોરીયા નામના ત્રણ ખાતાધારકોની પૂછપરછમાં રિયાઝનું નામ ખૂલ્યું હતું. મુંબઈથી ઓપરેટ થતા આ નેટવર્કનો મુખ્ય આરોપી રિયાઝ દેવભૂમિ દ્વારકાના ખંભાળિયા ખાતે છુપાયો હોવાની બાતમી મળતાં જ પોલીસે તેને દબોચી લીધો છે.
ચોંકાવનારી મોડસ ઓપરેન્ડી: મ્યુલ અકાઉન્ટ્સ અને ક્રિપ્ટોકરન્સી
-
મુંબઈથી સંચાલન: નવું બેંક ખાતું ખોલાવવા માટે લોકોને જયપુરથી મુંબઈ લઈ જવામાં આવતા હતા અને મુંબઈના સાકીનાકા વિસ્તારના એક એપાર્ટમેન્ટમાં 3 દિવસ સુધી ગુપ્ત રીતે રખાતા હતા.
-
USDTમાં કન્વર્ઝન: ઇન્વેસ્ટમેન્ટ ફ્રોડની રકમ આ મ્યુલ અકાઉન્ટ્સમાં જમા કરાવીને તુરંત જ તેને ક્રિપ્ટોકરન્સી (USDT) માં રૂપાંતરિત કરવામાં આવતી હતી.
-
કંબોડિયા ટ્રાન્સફર: આરોપી રિયાઝ આ ડિજિટલ મનીને કંબોડિયા ખાતે બેઠેલા મુખ્ય સાયબર માફિયાઓ સુધી પહોંચાડતો હતો.
નેટવર્કના અન્ય આરોપીઓ વોન્ટેડ
-
તપાસ ગતિમાન: મુખ્ય આરોપી રિયાઝની ધરપકડ બાદ સુરત સાયબર ક્રાઇમે તેના અન્ય 2 મુખ્ય સહયોગીઓને વોન્ટેડ જાહેર કરી તેમની શોધખોળ હાથ ધરી છે.
-
આંતરરાષ્ટ્રીય કનેક્શન: ગેરકાયદેસર હવાલા અને ક્રિપ્ટો નેટવર્કના મૂળ સુધી પહોંચવા માટે સુરત પોલીસ દ્વારા ઝીણવટભરી તપાસ ચલાવવામાં આવી રહી છે.
