પશ્ચિમ બંગાળના ભારતીય જનતા પાર્ટીના સિનિયર નેતા અને વિરોધ પક્ષના નેતા શુભેન્દુ અધિકારીના હેલિકોપ્ટરનું મંગળવારે બપોરે અચાનક ઇમરજન્સી લેન્ડિંગ કરાવવું પડ્યું હતું. પૂર્વ મેદિનીપુર જિલ્લાના કોલાઘાટ વિસ્તારમાં હવામાન અચાનક ખરાબ થઈ જતાં પાયલટે સમયસૂચકતા વાપરીને હેલિકોપ્ટરનું સુરક્ષિત ઉતરાણ કરાવ્યું હતું. આ ઘટનામાં શુભેન્દુ અધિકારી સંપૂર્ણપણે સુરક્ષિત છે.
ખરાબ હવામાન બન્યું કારણ
-
ઓછી વિઝિબિલિટી: નિર્ધારિત કાર્યક્રમ માટે જઈ રહેલા હેલિકોપ્ટરના રૂટ પર કોલાઘાટ આસપાસ વાદળો ઘેરાયા હતા અને વિઝિબિલિટી ખૂબ ઘટી ગઈ હતી.
-
પાયલટનો ત્વરિત નિર્ણય: ભારે પવન અને જોખમી પરિસ્થિતિને ધ્યાને રાખી પાયલટે કોઈપણ રિસ્ક લીધા વિના કોલાઘાટના એક ખુલ્લા મેદાનમાં હેલિકોપ્ટરનું સુરક્ષિત આકસ્મિક લેન્ડિંગ કરાવ્યું હતું.
તંત્ર એલર્ટ અને સ્થાનિકોની ભીડ
-
સુરક્ષા વ્યવસ્થા: ઘટનાની જાણ થતાં જ સ્થાનિક પોલીસ અને તંત્રનો કાફલો તાત્કાલિક ઘટનાસ્થળે પહોંચી ગયો હતો. સમગ્ર વિસ્તારને કોર્ડન કરી સુરક્ષા વધારી દેવામાં આવી હતી.
-
રાહતનો શ્વાસ: શુભેન્દુ અધિકારી હેલિકોપ્ટરમાંથી હેમખેમ બહાર આવતાં જ ભાજપ કાર્યકરો અને સ્થાનિક લોકોએ રાહતનો શ્વાસ લીધો હતો.
અધિકારીએ સ્થાનિક લોકો અને પ્રશાસનનો આભાર માન્યો હતો. હવામાન સુધરે અથવા વૈકલ્પિક રસ્તે પ્રવાસ આગળ ધપાવવા માટે જરૂરી વ્યવસ્થા કરવામાં આવી રહી છે.
