ભારતીય શેરબજારે મંગળવારે તેજી સાથે કારોબાર શરૂ કર્યો હતો, શરૂઆતી કારોબારમાં સેન્સેક્સ અને નિફ્ટી પોતાના નવા ઓલટાઈમ હાઈ પર પહોંચી ગયા છે. બજારની આ તેજીમાં રોકાણકારોએ પણ ઘણી કમાણી કરી છે. આવો જાણીએ હાલ માર્કેટની શું હાલત છે…
ભારતીય શેરબજાર મંગળવારે સકારાત્મક નોંધ પર ખૂલ્યું હતું અને શરૂઆતી કારોબારમાં સેન્સેક્સ અને નિફ્ટી તેમની નવી ઓલટાઇમ હાઇ સપાટીએ પહોંચી ગયા હતા. બીએસઈના 30 શેરો વાળા પ્રમુખ ઈન્ડેક્સ સેન્સેક્સ શરૂઆતી કારોબારમાં 379.68 અંક ઉછળીને 79,855.87 ના રેકોર્ડ સ્તર પર પહોંચી ગયા છે. નિફ્ટી 94.4 પોઇન્ટ વધીને 24,236.35 પોઇન્ટની વિક્રમી સપાટીએ પહોંચ્યો હતો. જોકે, પ્રી-ઓપન માર્કેટમાં સેન્સેક્સ સવારે 9.02 વાગ્યે 80,129ના સ્તરને સ્પર્શ્યો હતો. આ પછી જ્યારે બજારમાં ડે ટ્રેડિંગ શરૂ થયું ત્યારે પણ સેન્સેક્સ અને નિફ્ટી નવા ઓલટાઇમ હાઇ પર પહોંચ્યા હતા. જોકે પ્રી-ઓપનિંગ સેશનમાં ટ્રેડિંગ થતું નથી.
પ્રી-ઓપનિંગમાં સેન્સેક્સ 80 હજારને પાર
સેન્સેક્સ નિફ્ટીએ રેકોર્ડ ઊંચાઈએ પહોંચ્યો
મંગળવારે શેરબજારે ટ્રેડિંગ શરૂ કરતાં જ બીએસઇ સેન્સેક્સ તેના આગલા બંધથી 211.30 પોઇન્ટના વધારા સાથે 79,687.49 પર શરૂ થયો હતો અને થોડી જ મિનિટોમાં 79,855.87ની નવી ઊંચી સપાટીને સ્પર્શ્યો હતો. તે જ સમયે, નિફ્ટી 60.20 પોઇન્ટ વધીને 24,202.20 ની નવી ઓલટાઇમ હાઇ પર ખુલ્યો હતો. સવારે 10.31 વાગ્યે સેન્સેક્સ 79,478.82 પર ટ્રેડ કરી રહ્યો છે.
આ શેરમાં વધારો થયો
સેન્સેક્સ પેકમાં એચસીએલ ટેક્નોલોજીસ, ટાટા કન્સલ્ટન્સી સર્વિસીસ, ઇન્ફોસિસ, ભારતી એરટેલ, એચડીએફસી બેન્ક અને પાવર ગ્રીડ ટોપ ગેઇનર્સ રહ્યા હતા, જ્યારે તાતા મોટર્સ, બજાજ ફાઇનાન્સ, કોટક મહિન્દ્રા બેન્ક અને આઇસીઆઇસીઆઇ બેન્ક ટોપ લુઝર્સ હતા.
સૂચકાંકો ઊંચા મથાળે ખૂલ્યા હતા અને અત્યાર સુધીની સર્વોચ્ચ સપાટીને સ્પર્શ્યા હતા, પરંતુ ટૂંક સમયમાં જ પ્રોફિટ-બુકિંગ શરૂ થયું હતું અને સૂચકાંકોએ પ્રારંભિક લાભનો ત્યાગ કર્યો હતો અને નેગેટિવ ટેરિટરીમાં વેપાર કર્યો હતો.
વૈશ્વિક બજારની સ્થિતિ
એશિયાના અન્ય ભાગોમાં જાપાનનો નિક્કી, હોંગકોંગનો હેંગ સેંગ અને શાંઘાઈ કમ્પોઝિટ ઇન્ડેક્સ વધારા સાથે બંધ રહ્યો હતો, જ્યારે કોરિયાનો કોસ્પી નીચા સ્તરે બંધ રહ્યો હતો.
Whatsapp channel https://whatsapp.com/channel/0029VaKmdnVHrDZgKfgsso0F
Android app https://play.google.com/store/apps/details?id=appinventor.ai_server.bharatheadlinenews
Instagram https://www.instagram.com/bharatheadlinenews/
