કેબિનેટ મંત્રી પદ ન મળવાથી NCP નારાજ

મોદી 3.0 મંત્રીમંડળમાં એનડીએના સાથી પક્ષોનો સમાવેશ કરવામાં આવ્યો છે, પરંતુ મહારાષ્ટ્રમાંથી અજિત પવારના નેતાઓના નામ કેબિનેટમાંથી ગાયબ છે. આના પર અજીત પવાર અને પ્રફુલ્લ પટેલે કહ્યુ કે તેમની પાર્ટીને રાજ્યમંત્રીનું પદ આપવામાં આવી રહ્યુ છે, પરંતુ તેઓ કેબિનેટ મંત્રી પદની માંગ કરી રહ્યા છે.

વડાપ્રધાન તરીકે નરેન્દ્ર મોદીનો ત્રીજો કાર્યકાળ રવિવારથી શરૂ થયો હતો. આ પહેલા કેબિનેટ વિસ્તરણમાં નેશનલ ડેમોક્રેટિક અલાયન્સ (એનડીએ)ની તમામ પાર્ટીઓને સામેલ કરવામાં આવી છે, પરંતુ અજીત પવારની પાર્ટી એનસીપી તરફથી કોઇને ફોન આવ્યો નથી. હજુ સુધી કોઈ નામ જાહેર કરવામાં આવ્યું નથી. પ્રફુલ્લ પટેલ અને સુનીલ તટકરે વચ્ચે મંત્રી પદ માટે એકબીજા સાથે ઘર્ષણ થયું હોવાનું કારણ સામે આવ્યું છે. ભાજપ હાઈકમાન્ડે તેમને આ અંગે પહેલા તેમની પાર્ટીમાં રહેલી નારાજગી દૂર કરવા માટે કહ્યું છે. બીજી તરફ અજિત પવાર અને પ્રફુલ્લ પટેલે કહ્યું કે તેમની પાર્ટીને રાજ્ય મંત્રી પદ આપવામાં આવી રહ્યું છે પરંતુ તેઓ કેબિનેટ મંત્રીની માંગ કરી રહ્યા છે. તેઓ કેબિનેટ મંત્રી પદની રાહ જોવા માટે તૈયાર છે.

તમને જણાવી દઈએ કે બે લોકો એનસીપીના સાંસદ છે. પાર્ટીના વરિષ્ઠ નેતા પ્રફુલ્લ પટેલ રાજ્યસભામાં સાંસદ છે જ્યારે સુનીલ તટકરે લોકસભામાંથી ચૂંટાયા છે. સૂત્રોએ જણાવ્યું હતું કે આ બંને નેતાઓએ મંત્રી પદ માટે એકબીજા પર દાવો કર્યો છે. પરંતુ આ બેમાંથી કોણ પ્રધાન હશે? આ અંગે સર્વસંમતિ સધાઈ શકી નથી. સૂત્રોએ જણાવ્યું હતું કે આ કારણસર એનસીપીએ કોલનો જવાબ આપ્યો ન હતો.

અજિત, પ્રફુલ્લ મંત્રીમંડળમાં સ્થાન મેળવવાની માંગ પર અડગ

બીજી તરફ પ્રફુલ પટેલનું નિવેદન એનસીપીના નેતાઓ વચ્ચે વિવાદના સમાચાર સામે આવ્યું છે. તેમણે કહ્યું કે તેઓ પહેલા સરકારમાં કેબિનેટ મંત્રી રહી ચૂક્યા છે, હવે તેમને રાજ્યમંત્રી બનવા માટે કહેવામાં આવ્યું. તેઓએ ના પાડી દીધી છે. અમારી વચ્ચે કોઈ તફાવત નથી. અમે બધા સાથે છીએ.

તેમણે કહ્યું કે, અમને મંત્રી પદ આપવામાં આવ્યું ન હતું તે કહેવું ખોટું છે. અમારી પાસે પહેલા કેબિનેટ બર્થ હતી. એટલા માટે અમે કેબિનેટ મંત્રી પદની માંગણી કરી હતી, પરંતુ અમને રાજ્ય મંત્રીનું પદ આપવામાં આવી રહ્યું હતું. અમે ગઠબંધનમાં છીએ. ગઠબંધનના નિયમો છે. અમે તેને અનુસરીશું.

મોદી સાથે 71, ઓબીસીના 27 અને એસસી કેટેગરીના 10 મંત્રીઓએ શપથ લીધા, વાંચો લાઈવ અપડેટ્સ અહીં

તો બીજી તરફ અજીત પવારે પણ પ્રફુલ્લ પટેલની વાતને સમર્થન આપતા કહ્યું કે તેમની પાર્ટીને રાજ્યમંત્રીનું પદ આપવામાં આવી રહ્યું છે, પરંતુ પ્રફુલ્લ પટેલ આ પહેલા પણ કેબિનેટ મંત્રી રહી ચૂક્યા છે. હાલમાં તેમની પાસે એક લોકસભા અને એક રાજ્યસભાના સાંસદ છે અને ટૂંક સમયમાં જ તેમની પાસે વધુ બે રાજ્યસભાના સાંસદ હશે. આવી સ્થિતિમાં તેઓએ કેબિનેટ મંત્રી પદની માંગ કરી છે. તેમણે કહ્યું કે તેઓ આના પર રાહ જોવા માટે તૈયાર છે.

Narendra Modi Swearing in Ceremony Live: પીએમ મોદીએ શપથ ગ્રહણ પહેલા રાજઘાટ-સદૈવ અટલ અને વોર મેમોરિયલ જઈ ગાંધી-અટલ અને શહીદોને કર્યા નમન